«Частичка малой Родины моей»

«Частичка малой Родины моей», проект под таким названием реализовали ребятишки, посещавшие профильный лагерь ДЮЦ «Радуга». Презентация проекта состоялась в день закрытия первой лагерной смены.

Челядь керисö карсö бытшöмжыкöн. «Радуга» нима детско-юношескöй центрын месяц сьöрна уджалiс гожумся оздоровительнöй площадка. Профильнöй лагерьлöн медодзза смена помассис, торжественнöй закрытие вылын чулалiс реализуйтöм проектлöн торжественнöй осьтöм. Июнь месяцö челядь ордчöн Детско-юношескöй центрись уджалiссезкöт реализуйтiсö «Частичка малой Родины моей» нима проект, даскыкьямыс лун коста керисö быльнöй чудо.

Быд зорöтöм проект лоö Пармаись отир понда козинöн. Медодзза проектöн вöлi «Народные традиции и дети», а öнi мастеритiсö дона торрез, клумбаэз петiсö дзик ловьяöсь.

Организаторрез надейтчöны, мый донттöг керöмыс оз кольччы. Асьныс жö нiя донтiсö челядьлiсь удж, медтворческöйесö да кужиссесö аттьöалiсö дипломмезöн и козиннэзöн. «Частичка малой родины моей» нима проект ассис нимсö новйö достойнöйö, сiдз кыдз и керöм вылын уровень вылын.

Бытшöма оформитöм клумбаэз вылын садитöм дзоридззез да декоративнöй озъягöд чожа шондi морос вылын эшö буржыка вежсясö, сэк радуйтны син пондасö ёнжыка. А июль месяцö «Радугаын» оссяс лагерьлöн мöдöдз смена и нiя кутчисясö виль проект бердö. Сылöн тематика бöрйöм ни, этö Победалöн сизимдас годся юбилей.