Пламя души!

Пламя души! В Кудымкаре в рамках межрегионального фестиваля обрядовых культур финно-угорских народов «Чудный карнавал» прошел первый финно-угорский литературный фестиваль «Ловлöн бикыв» (Пламя души).

Ловлöн бикыв! Июль дасöтiкöт-даскыкöт луннэзö финно-угорскöй увтыррезлöн «Чуднöй карнавал» нима обрядовöй культураэзлöн фестиваль коста чулалiс «Ловлöн бикыв» нима медодзза финно-угорскöй литературнöй фестиваль. Посвятитöм сiя вöлi Коми-Пермяцкöй округлöн öкмысдасöт годся юбилейлö, Пермскöй крайлöн дас годся юбилейлö да Россияын литературалöн годлö. Участие сыын примитiсö Пермскöй крайись да финно-угорскöй регионнэзiсь поэттэз, прозаиккез да барддэз.

Фестивальлöн шöр могöн вöлi сувтöтöм Россияись финно-угорскöй отирлiсь литература, кыдз общероссийскöй да мировöй литературалiсь тор, зорöтöм да популяризация, личность да общество зорöтöмын сылiсь роль лэбтöм да пропаганда, финно-угорскöй гижиссез коласын межрегиональнöй культурнöй йитöттэз вынсьöтöм, произведеннеэзлöн переводческöй школалiсь традицияэз одзлань нуöтöм да зорöтöм, том гижиссезöс литературнöй мастерство дорö велöтöм да мöдiккез.

Фестиваль аслас уджö пыртiс и площадкаэзлiсь удж да «Проблемы и перспективы развития финно-угорской литературы» нима гöгрöса пызан чулöтöм, а сiдз жö гижиссезлiсь да сьылiссезлiсь выступленнёэз.

Фестиваль коста уджалiсö сэтшöм площадкаэз, кыдз «финно-угорскöй увтыррезлöн челядь понда литература», «финно-угорскöй гижиссез-вуджöтiссез уджлöн опыт». Сiдз жö вöлi чулöтöм «Книжки-малышки» сериялöн презентация.