Челядь понда виль группа

Язык с пеленок. В дошкольном образовательном учреждении села Ёгва открылась новая группа, где дети изучают язык своих предков.

Челядь понда виль группа. Ёгваись челядь садын куим-нёль годся пиэз понда оссис виль группа. Челядёк понда не только керисö бур ремонт, но и пондöтчисö ныкöт зорöтны да велöтны коми-пермяцкöй кыв.

Эта мöдöдз группаыс оссис кыкдас воспитанник понда. Деньгаöн отсалiс край, Ёгваись челядь садлö вöлi сетöм кыксё кыкдас тысяча руб гöгöр. Ны вылö эта жырын керисö бур ремонт.

Öнi быдкодь инвентарь, чачаэз да орсаннэз тырмöны челядь садö быд ветлöтiсь челядёк понда. Паськöм-кöмкöт сiдзжö дзимлялöм виль шкаффезын.

Виль мебелься эшö холодильниккез да кухня понда мöдiк колана оборудованнё сiдзжö вермисö небны сетöм деньга вылö. А эшö тöдчанаöн татöн лоö веськöтiсьлöн кабинет. Этö быдса медицинскöй блок, кытöн эм торья процедурнöй и изолятор. Зорöтöны татöн и коми-пермяцкöй кыв да культура. Велöтчöм пондöтчö учöт группаэзсянь.

Этасянь и комиöн бура баитöны, мам кывлiсь челядь оз полö. Коми кывбуррез, коми сьыланкыввез сьöртi йöктаннэз да эшö уна ассямсö пыртöны уджалiссез асланыс уджö. Ёгваись челядь садö öнi ветлöтöны öкмысдас вит пи, очередьын сулалöны эшö уна челядёк. Рождаемость Ёгваын содö, сiйöн мед вöлi кытöн воспитывайтны да быдтыны пиэзöс, юалöм öнi сувтö виль челядь сад строитöм йылiсь, нето важ зданнё бокö пристрой керöм сьöртi.