Парма кузя небöг оськалö!

«Книга шагает по Парме». Коми-Пермяцкая национальная библиотека имени Михаила Лихачева в рамках реализации проекта «Книга шагает по Парме» побывала в Сервинской общеобразовательной школе.  

«Парма кузя небöг оськалö!» Сервинскöй школаись челядёклöн велöтчан лун пондöтчис зэв ассяма. Эта лунö велöтчиссез дынö локтiсö тöдчана гöссез, а быдöс сысянь, мый «Книга шагает по Парме» нима проектлöн культурнöй десант, чулöтö кöдö Михаил Лихачёв нима Коми-Пермяцкöй национальнöй библиотека, локтiс и эта коми школаö.

Быдöс мероприятиеыс чулалö орсöм да интереснöй баитчöм пырйöт. Ыджытжык классэзкöт уджалiсö коми-пермяцкöй гижись Василий Козлов да Россияись заслуженнöй артист Анатолий Радостев. Гора нима гижись тöдсöтiс челядьöс «Сизимок» нима журналiсь быдкодь ассяма висьттэзöн да лыддьöтiс челядьлö шынь-серöма гижöммез. А театрись тöдчана актер гажöтiс öксьöммесö аслас бытшöм выступленнеöн. Быдöс эта ловзьöтiс видзöтiссезöс. Сэтшöма ассяма велöтчöм татöн эшö эз чулавлы.

Учöтжык классэзiсь велöтчиссез чулöтöм мероприятиелö сiдзжö бура радуйтчисö. Презентацияэз да викторинаэз пырйöт челядь буржыка  тöдсасисö коми-пермяцкöй вежалуннэзлöн историякöт, тöдiсö уна вильсö небöггезын гижöммез йылiсь.

Культурнöй десант коста тöдöммез челядь куралiсö быднёжа да быдкодя. Небöггезiсь лöсьöтöм выставка лыддьöтiссез сiдз жö эз öрддьö. Татiсь быд велöтчись мам кыв да чужанiн дынö видзö аслас сьöлöмын ыджыт радейтöм.