Пельнянь – медчöскыт сёян

Пельнянь – медчöскыт сёян. Карч дзимляссис и локтiс кад лöсьöтны быдкодь стряпня. Кузь тöвся рыттэзö коми-пермяккез стяпайтöны быдкодь парöга пельняннез.

Важ кадсянь быд керкуö пыравлiсö сьыланкыввезöн, öксьывлiсö помеччез да супрядкаэз вылö. Олö эта традицияыс деревняэзын и öнi. Эта лунö ёрттэз, мед сьывны - йöктыны, баитчыны да стряпайтны чöскыт пельняннез, öксисö Людмила Яковлевна Ермакова дынын.

Медбы пельнянь петiс чöскыт да пöтöса, коми-пермяккез старайтчисö буржыка керны кöвдас. А керлiсö сiйö шöмтöм нянись. Пуктыны кöвдасö колö кольть, сiдз сöчöноккес аркмöны буржыкöсь да вöснитжыкöсь. Этна кужöммезö В-Иньваись дед-баббез кöть кинöс велöтасö. Керны пельняннез нiя велалiсö учöтсянь. Пельняннесö кертöн быдыслö адззисис удж. Парöг вылö эта керкуын вöлi тырдоз. Öрын масьтiсö кöс тшак, капуста, теритiсö кушман, лякисö сьöла яйись пельняннез. Нiйö йöз коласын радейтöны медбура. Одзжык эд мороза рыттэзö яя пельняннесö керлöмось зэв уна.

Стряпня сайын луныс В-Иньваись кужись киа дед-баббез чулöтiсö öддьöн гажöна. Керисö пельянннезсö зэв уна, коми кухнялiсь традицияэсö не дзугöмöн.

Кужöмöн колö и пуны чöскыт сёянсö. Кыдз шуöны инькаэз, эстöн эм ассяма секрет.

Öнi пельняннез тöдöны и сёйöны не дзир округ пасьта, но и ылын сы границаэз сайын. Эд пызан вылын пельнянь лоö медбур сёян