Важ технологияэз öнöдз олöны миян оланын

Кудымкарскöй районiсь Мижуй деревняись Екатерина Сыстерова керны коми-пермяккезлiсь национальнöй юан сур кужö кык способöн. Öткö, кыдз унажыкыс - гвоздянкаöн, мöдкö, Екатерина Егоровна вийöтö сурсö öрöн. Аслас тöдöммезöн сiя торйöтчис мастер-класс вылын, тöдсöтiс том нылочкаэзöс öрын сур керомлöн рецептöн. Дзаввез вылö, кöднö колö тэчны öр пыдöсö, сiя вöвдö идзас да вевттьö аскыйöм дöраöн.

Екатерина Егоровна лыддьö, мый öрнас вийöтны кокнитжык да и сурыс петö чöскытжык. Кытчöдз нывкаэз тöдсасисö коми-пермяцкöй технологиялöн медодзза кужöммезöн, горын ештiс пöжсьыны ой кежö сюйыштöм соровтас. Вот уж вöлi сэк мыйöн öммез чöскöтны, рам сьöлöма баб гöститöтiс гöссезöс суркеньöн.

Инька кыввез сьöртi, петас сурыс бур, ежели чуж пизьыс изöм кужöмöн. Öтлаын быдöнныс отсасисö и вöлись сурöн гöститöтчисö, чöскыт сур быдöнныс понда лоис бур.