Юсьвинскöй районiсь сельхозпредприятиеэз порйöтiсö ассиныс профессиональнöй вежалун

Праздник для селян. Труженики села Юсьвинского района отметили свой профессиональный праздник.

Юсьвинскöй районiсь сельхозпредприятиеэз порйöтiсö ассиныс профессиональнöй вежалун. Эта лунö передовиккезöс наградитiсö министерстволöн почетнöй грамотаэзöн да дипломмезöн.

Культура керкуын Юсьвинскöй районiсь öксьöм колхозниккез понда лоис быдса событиеöн. Сюэз дзимлялан кад помассис и нiя порйöтiсö ассиныс профессиональнöй лун - сельскöй хозяйствоын уджалiсьлiсь вежалун.

Быд керöм удж бöрсянь керсьöны итоггез, колхоззэзöн тавося нуöтöм удж сьöртi юралiссез да председателлез керисö ассиныс выводдэз. Районын медодззаöн уборкасö таво помалiс СПК «Дружба», öнöдз сюэз дзимлялiсö районiсь и мöдiк колхоззэз.

Быд хозяйствоын показателлез завиститöны уждлöн качествосянь. Ошкыны эта лунö вöлi кинöс. Бур уджалiссезлöн лыдö пырисö отир, кöдна уна годдэз сьöрнаöн пуктiсö ыджыт пай сельскöй хозяйство зорöтöмö. И вежлун коста округлöн юралiсь козьналiс передовиккезлö министерстволiсь тöдчана наградаэз.

Позьö содтыны, мый год бытöн Юсьвинскöй районiсь хозяйствоэзöн вöлi босьтöм куимдас субсидия, предприятиеэз участвуйтöны уна быдкодь программаэзын, кöдна пырйöт бурсьöтöны колхозниккезлiсь оланiннэз. Мероприятие коста эта йылiсь и баитчисö, мый бур да умöль, и мый эшö бы позис керны, мед зорамисö колхоззэз да олiсö деревняэз.