Пöрись отирлöн месячник Коми округлöн районнэзын мунö одзлань

Когда старость в радость! В рамках месячника пожилого человека в округе продолжается череда мероприятий.

Пöрись отирлöн месячник Коми округлöн районнэзын мунö одзлань. Талуння лунö Кудымкарскöй районын олöны нёль тысяча сизимсёся унажык ветеран. Пöрись отирлöн месячник кежö, унажыксö ны коласiсь чествуйтiсö ни. Поздравленнеэзöн, тыра пызаннэзöн да концерттэзöн вежалуннэз чулалiсö быд сельскöй поселеннёын. Кольöм луннэзö ветераннэзöс чествуйтiсö Степановскöй поселеннёись Кекур деревняын.

Кекур деревняын унажыксö олöны нiя, киннэз ас кадö уджалiсö «Кудымкарский» нима совхозын. 70-80 годдэзö эта хозяйствоыс горалiс Пермскöй область пасьта. Татöн быдтiсö да вöдитiсö элитнöй пода. Бытшöм удж понда уна отир вöлiсö наградитöмöсь быдкодь наградаэзöн. Талуння пантасьöм вылын Пермскöй крайлöн ветераннэз получитiсö удостовереннё дынö эшö и знаккез.

Округ пасьта знаккез получитiсö куимсё гöгöр морт. Кекурын сетiсö вылын пассö дасöтiк мортлö.