Пермскöй еннэз

«Пермские боги. Образ. Место. Время.» Под таким названием в Коми-Пермяцком краеведческом музее имени П.И. Субботина Пермяка открылась новая выставка.

Пермскöй еннэз. «Пермские боги. Образ. Место. Время.» - этадз шусьö выставка, кöда оссис Субботин-Пермяк нима Коми-Пермяцкöй краеведческöй музейын.

Пуись керöм Пермскöй скульптура тöдöны не дзир татöн, но и омöн мир пасьта. Уна годдэз ни сiя – Пермскöй крайлöн бренд, кöда сьöртi учёнöйез тöдöны сы йылiсь, кытшöм кадö локтiс миян муэз вылö христианство, кыдз олiсö отир важ каддэзö. Öнi еннэз Перемись краеведческöй музейын. Но эта выставкалöн авторрез вöлiсö и нiя местаэзын, кытiсь кöркö вайлiсö скульптураэсö.

Авторрез лöсьöтiсö этö выставкасö квать год сьöрна. Удж вöлi керöм паськыт. Петiс выставкаыс öддьöн ассяма – сiя мыччалö миян предоккезлiсь кöркöся олан, миянлiсь история.

Выставка донтiсö Кудымкарись художниккез да фотограффез. Сiя лоас интереснöйöн быдöнныслö, кин донтö мам му, предоккез йылiсь память да традицияэз.