Зарниа киа мортлöн и ловыс зарниа

«Почетный мастер народных промыслов ПК». Таким почетным званием была удостоена мастерица из д. Чинагорт Юсьвинского района Полина Крохалева.

Зарниа киа мортлöн и ловыс зарниа. Полина Михайловна Крохалева öнi серöтö бытшöм костюммез. А пондöтчис быдöс кушаккез кыйöмсянь. Аслас творческöй олан коста кужись киа инька ештiс мастеритны не öтiк бытшöм произведеннё.

Этнö уджжесö и донтiсö крайын. Мастер Полина Крохалевалö вöлi сетöм тöдчана званнё - «Почетный мастер народных промыслов ПК». Почетнöйезöн вöлiсö шуöмöсь эшö öкмыс мастер, быдöнныс нiя Пермскöй крайись. Полина Михайловналöн кужоммез радуйтöны качествоöн да ассяма художественнöй стильöн.

Мастерицаöн гöрдззöм да серöтöм костюммез гажöтöны отирöс концерттэз да быдкодь мероприятиеэз вылын. Öнi ны вылö ыджыт спрос. Эд коми-пермяцкöй стильын вурöм паськöм пыр бурсьöтö да бытшöмсьöтö национальнöй мероприятиеэзлiь чужöм. Öнi коми-пермяцкöй узöр казявны туйö и быдкодь сумкаэз, перчаткаэз да обереггез вылын.