Юрлинсалöн ассяма культура

Юрлинские старообрядцы. В деревне Пож Юрлинского района живут старообрядцы, которые до наших дней донесли культуру своих предков.

Юрлинсалöн ассяма культура. Мотив, ассяма сьылöм и тöдса дзир ны понда кыввез. Уна годдэз ни быдöс эта видзсьö Пож нима деревняись баббезлöн тöдвылын. Даскык старообрядческöй кывбур-сьыланкыв инькаэз тöдмалiсö предоккезсянь. Кытöн и кöр аркмисö этна кывбуррез, висьтавны некин оз вермы, Валентина Селезнева лыддьö, мый тöдсаэзöн нiя лоисö дасöкмысöт годдэзö.

Юрлинскöй районын инькаэз дзир öтнаныс, киннэз тöдöны ассяма стиххез да кужöны сьывны старообрядческöй мотив вылын. Касьтiсяннэз вылö баббезöс корлöны часто, кин эшö сiдз вошшöтас да бура касьтылас, ежели не нiя асланыс бытшöм сьылöмöн. Талуння лун вылö старообрядческöй кывбуррез тöдсаöсь дзир нёль мортлö, а эд одзжык нiйö тöдлiс быдсöн деревняыс. Отир кужисö висьтасьны, юрбитны да сьывны. Историяись эттшом ассяма торрез пыр лоöны интереснöйезöн. Сiйöн Юрлинскöй фольклорöн ёна интересуйтчöны исследователлез. Районö вовлiс не öтiк экспедиция ни. Таво исследованнёэз чулöтiс Перемись государственнöй научно-исследовательскöй университет.

Валентина Селезнева дзир надейтчö, мый быдöс эта оз вунöтсьы, адззисясö нiя, кинээз велöтасö старообрядеццезлiсь кывбуррез-сьыланкыввез. Сiйöн баббез и тöдсöтöны челядьöс асланыс культураöн, велöтöны сьывны, юрбитны да донтны предоккезлiсь традицияэз.