Эмöсь инькаэз посадын

Есть женщины в русских селеньях. В середине октября отмечался день сельских женщин.

Эмöсь инькаэз посадын. Деревняэзын овтöн весь кад чулöтны некöр. Кöть пемытсянь пемытöдз уджав, а удж оз чин. Доег посадiсь Полина Васильевна Якимова не öтiк год ни кыдз пенсия вылын, но сё эшö уджалö да видзö не учöт хозяйство.

Одзжык видзлöмась кык мöс – йöв вöлi кытчö сетны. Унажык видзисö и поснит пода. Городын Полина Васильевна некöр эз ов. Велöтчöма вузасисьö, но пыр уджалiс сельскöй хозяйствоын – Доегись «Дружба» колхозын.

Полина Васильевна жоникыскöт быдтöма куим пиöс. Öнi эмöсь и нучоккез, кöдна часто вовлывлöны ны дынö, отсасьöны. Но, а бабныс пыр видзчисьö челядьöс чöскыт пожассэзöн. Талун инька керö эшö баббеслöн рецепт сьöртi черинянь. Пирöггез кушманiсь, морковись, кöть кытшöмöсь – быдöс петö чöскытжыка, кöр пöжассьöны горын. Плита дынö инька вовлö шоча.

Некöр инькалö гажтöмччыны и кузь тöвся рыттэзöн. Кужись киэза мортлöн уна серöтöм чышкöттэз. Неважын пондöтiс серöтны и картинаэз. Петö öддьöн бытшöма. Полина Васильевна – бур сьылiсь. Сiя ветлöтö хорö, участвуйтö районнöй мероприятиеэзын.

Лоны бур хозяйкаöн, басöк инькаöн туйö и посадын овтöн. Эд не дзир бöрйöм местасянь олан мортлöн овлö бур, но и мортыс вермас керны буржыкöн олан места.