Гора да гажа «Силькан»

«Силькан» приглашает друзей. В Коми-Пермяцком этнокультурном центре прошел межрегиональный детский творческий фестиваль «Силькан» (Колокольчик).

Гора да гажа «Силькан». Кудымкарись Коми-Пермяцкöй этнокультурнöй центрын чулöтчис «Силькан» нима челядь понда творческöй фестиваль. Межрегиональнöй фестивальлöн мог - зорöтны учöт челядьлiсь сьылан культура, керны популярнöйöн коми-пермяцкöй  да мöдік финно-угорскöй чужан кыввез вылын  челядь да томмез понда сьыланкыввез, вынсьöтны сотрудничество финно-угорскöй регионнэз коласын.

Таво «Силькан» öктыліс кыкьямысдас öкмыс  участниккöс.  Бытшöм костюма, гора шыа сьылiссез коласын  вöлісö округись пиэз. Гöссез коласын  - Коми Республикаись, Удмиуртияись, Марий-Элісь творческöй чукöррез. «Ялпус махум» нима фольклорнöй семейнöй котыр локтiс Ханты-Мансийскöй автономнöй округись. Сiя представитiс асланыс предоккезлiсь важ годдэзся обрядовöй сьыланкыввез. Гажöтiсö асланыс творчествоöн и Удмуртияись госсез.

Итоггез чулöтісö учöтжык челядь да ыджытжыккез коласын торйöн. Сідз сизим годсянь дасöт годöдз торья сьыліссез коласісь  медодзза места вöлi сетöм Ханты-Мансийскöй округись Мария Фоминыхлö. Дасöт годöдз творческöй чукöррез коласын медодзза места шедтісö фестивальлöн гöссез - Хатны-Мансийскись «Ялпус Махум» нима семейнöй фольклорнöй чукöр. Ыджытжык солисттэз коласын медодзза места Удмуртияись Валерия Ивановалöн.  Ыджытжык челядьлöн творческöй чукöррез коласісь медбурöн шуöм Кудымкарись «Радуга» нима  челядь понда центрись «Задоринка» нима вокальнöй чукöр.

Видзöтіссезсянь  приз вöлі сетöм Юсьвинскöй районісь Чинагорт деревняись Кирилл Лунеговлö.