Юралiссезлöн пантасьöм

Встреча глав. Главы сельских поселений Кудымкарского района провели выездное заседание. Речь шла о благоустройстве территорий и летней оздоровительной кампании.

Юралiссезлöн пантасьöм. Кудымкарскöй районiсь сельскöй поселеннёэзлöн юралiссез коласын чулалiс паськыт выезднöй заседаннё.

Предствительнöй органнэзiсь совет öксис Ёгваын бöрйыны юалöммез, кöдна веськыта йитöмöсь эта да мöдiк муниципальнöй образованнёэзлöн социально-экономическöй зоралöмкöт, правопорядоккöт, безопасностькöт да законодательствокöт. Медодзза докладöн выступитiс Ёгвинскöй поселеннёлöн юралiсь Василий Нечаев. Территориялöн благоустройство сьöртi сёрни петiс кузь да дзирыт. Быд юралiсь бы аслас поселеннёын бурсьöтö да вильсьöтö туйез, тротуаррез и поссэз. А Ёгвинскöй территория вылын эта год коста сэтшöм ремонтнöй уджжез вöлiсö керöмöсь уна.

Заседаннё вылын бöрйисö эшö и гожся оздоровительнöй компаниялiсь удж. Планнэзын зорöтны туристическöй да спортивнöй профиль. Этчö пырöны лагеррез, челядь площадкаэз да мöдiк мероприятиеэз, кöдна бурсьöтöны челядьлiсь здоровье, а сiдзжö отсалöны адззыны челядьлö удж каникуллэз коста. Быдöс эта районын зоралö «Общественная безопасность» нима программа пырйöт.

Бöрья кадö эттшöм выезднöй заседаннёэз пырисö земскöй собраннелöн традиционнöй уджö. Сiдз юралiссез буржыка тöдсасьöны öтамöдлöн территорияэзлöн инфраструктуракöт да одзланься зорöтöмкöт.