Кочёвскöй районiсь ансамбльлö тырис куимдас вит год

«Кукушке» 35! Этнографический ансамбль из села Кукушка Кочевского района отметил свое 35-летие.

Кочёвскöй районiсь ансамбльлö тырис куимдас вит год. Эта кад коста артисттэз роч да коми-пермяцкöй сьыланкыввезöн ештiсö кытшöвтны быдöс странасö и нельки вöлiсö сы мупом сайын. Ансамблись медтом баблö сизимдас кыкямыс год, медпöрисьлö – öкмысдас куим. Öнi котырын кыкдас морт. Кыным сьыланкыв нiя сьылiсö ни, öнi ны коласiсь некин оз вермы уськöтны тöдвылö. Быдöс кыввесö видзöны юрын да торйöтчöны томжыккезкöт. Кыдз шуисö асьныс сьылiссес, кöть кытшöм регионын нiйö тöдöны вöвлытöм гажа сьылöм да югыт рöма гöрд паськöммез сьöртi.

Гора аплодисменттэзöн нiйö панталiсö кöть кытöн. Корисö сьывны унажык, - уськöтöны тöдвыланыс солисткаэз. Видзöтiссезлö гленитчö баббезлöн гора шыа да кокнит сьылöм.

Ыджыт юбилей вылын öксисö уна гöссез, матiсь отир, посадiсь олiссез. Юбилей порйöтöм бöрсянь звёзднöй баббез бöра лöсьöтчöны гастроллез вылö, кöдна пондасö чулöтчыны Пермскöй крайлöн культура да том йöз политика сьöртi министерстволöн отсöт дырни.