Ветеранскöй котыррез коласын вермасьöм

Всегда в строю. В Кудымкаре прошел смотр-конкурс на лучшее подсобное хозяйство среди ветеранских организаций Коми округа.

Ветеранскöй котыррез коласын вермасьöм. Кудымкарын чулöтсис округись ветеранскöй котыррез коласын подсобнöй хозяйство да самодеятельность сьöртi смотр-конкурс. Фестиваль вылö локтiсö ветераннэзлöн чукöррез быд районiсь.

Ветеранскöй котыррез коласын подсобнöй хозяйство да самодеятельность сьöртi смотр–конкурс лоис ни традиционнöйöн. И эта год вылын ассис участие подтвердитiс быд район.

Торговля да сервис нима техникумлöн фойеын фестивальлöн участниккез вöвдiсö пызаннэз быдкодь карчöн, тöв кежö заготовкаэзöн да сёян-юанöн. Ассиныс творчество фестиваль вылö локтiсö мыччавны дас коллектив. Фестивальлöн тавося репертуар йитöм локтан Победа лункöт. Сiйöн унажык сьыланкыввез да композицияэз вöлiсö посвятитöмöсь войналö. Тема, кöть и абу гажа, но ветераннэз понда фестиваль сетö ыджыт вдохновеннё.

Талуння пантасьöм вöлi фестивальлöн куимöт торöн. Сiйöн чулöтöм итоггез сьöртi буржык ветеранскöй хозяйствоэзöн лоисö Антипиноись Кривощековвезлöн, Корчевняись Лунеговвезлöн да Косаись Тимофееввезлöн семьяэз. А коллективвез коласiсь одзö петiсö Кудымкарись ветераннэзлöн хор, Пелымись «Калинушка» да Юсьваись «Рябинушка» нима коллективвез.