Верх-Иньваись шорöт школалö эм кинöн гордитчыны

Есть кем гордиться! Команды «Бастион» и «Рысь» Верх-Иньвенской средней школы единственные, кто защищает честь района на различных краевых спортивных соревнованиях. Сегодня в их арсенале множество дипломов и кубков.

Верх-Иньваись шорöт школалö эм кинöн гордитчыны. Татiсь спортсменнэз лоисö тöдсаöсь не дзир округын, но и край пасьта. «Бастион» да «Рысь» нима командаэз краевöй спортивнöй мероприятиеэз вылын соперниккез тöдöны бура. Нылочкаэз и зоночкаэз ордчöн ветлöтöны краевöй спартакиадаэз да быдкодь спортивнöй вермасьöммез вылö. Этна командаэз öтнаныс, кин дорйöны Кудымкарскöй районлiсь ним ыджыт соревнованнёэз вылын. «Бастион» и «Рысь» аркмисö 2000 годö, и годiсь годö вежсьö дзир состав, а вын да победаэз оз чинö. Школаись быд спортсмен лыддьö, мый оланын этна кужöммез бура ковсясö.

Уна мый дорö велöтö велöтчиссезöс и «Допризывник» нима кружок, а бур тренировкаэз сетöны тöдчана результат. Сiйöн, мый спортлö татöн сетчö ыджыт вниманнё, наградаэз школаын содöны, а велöтiссез эта понда керöны быдöс, мед желаннё челядьлöн эз дзугсьы.