Кöс логын чулöтöм митинг

Митинг в Сухом логу. Жители Коми округа почтить память невинно убиенных в годы сталинских репрессий пришли 30 октября на митинг, который традиционно прошел в Сухом логу.

Кöс логын чулöтöм митинг. Октябрь куимдасöт лун пасйöм календарьын кыдз Россияын политическöй жертваэзлöн лун. Традиция сьöртi винатöг вийöм отирöс касьтылiсö Кудымкарскöй районiсь Кöс логын.

Уна годдэз сьöрна ни традиция сьöртi Кудымкарскöй районiсь да Кудымкарись отир касьтылöны сталинскöй репрессиялöн жертваэзöс Кöс логын. Эта год вылын митинг чулöтчö памятнöй знак дорын, кöдö строитiсö дзир неважын.

Памятнöй митинг вылö локтiсö районлöн да карлöн администрацияэзiсь представителлез. Митинг вылын историялöн трагическöй период йылiсь баитiсö уна отир. Быдöнныс нiя касьтылiсö винатöг вийöм отирöс да казьмöтiсö челядьлö, медбы вöвлöмыс вились некöр эз ло.

Бöрья кадö округ пасьта репрессированнöй отирлöн памятьö сувтöтöм ни не етша памятнöй знак. Талун нiя содасö эшö кык вылö.

Отир, кöдна шедiсö да кыскисö ас выланыс трагедиялiсь курыт кадсö, миян коласын кольччисö етша ни. Кудымкарын нiя да нылöн челядь лыддиссьöны сё дас öтiк морт. Эта лунö памятнöй митинггез чулöтчисö и мöдiк районнэзын. Эд политическöй репрессияэз эз орддьö странаись некытшöм пельöсок.