Карись олiсь öктiс ассяма коллекция

Жительница города Кудымкара Татьяна Шушарина собрала уникальную коллекцию кукол в национальных костюмах. Сейчас планирует пополнить ее куклами народов мира.

Карись олiсь öктiс ассяма коллекция. Быдöс этна бытшöм аканнез Татьяна Шушариналöн лоисö журналсянь, кöдö сiя пондöтчис босьтавны кык годöн одзжык. Быдкодь губернияэзiсь народностьлöн костюммез йылiсь гижöны не только журналлöн листбоккез вылын, но и мыччалöны аканнез вылын. Журнал лоö дзир приложеннеöн. Лыддьöтiсьöс тöдсöтöны отирлöн культураöн, традицяэзöн да историяöн. А вот медыджыт интерес чужтiсö сё жö асьныс куклаэз.

Народнöй костюммезö пасьтöтöм аканнез быдöнныслö сьöлöмви. Нiя гажаöсь, югыт рöма паськöмаöсь и эта коста нач абу öткодьöсь. Быд куклалöн аслас изюминка.

Коллекционируйтны мый–нибудь ассямаö да бытшöмö Татьяналöн, кыдз и жöникыслöн, пукалö сьöлöмын. Эмöсь нылöн музыкальнöй инструменттэз, автомобиллез – быдöс этаö нiя пуктiсö ассиныс лов. Но шöр вниманнё эта керкуын öнi сё жö сетсьö аканнезлö. Öнi Татьяна лöсьöтчö паськöтны ассис коллекциясö мушар вылiсь увтыррезлöн аканнезöн.