Сiя олö велöтчиссезлöн сьöлöмын

Памяти учителя посвящается. Сотрудники Кудымкарского районного архива в Ошибской СОШ провели вечер памяти, посвященный 85-летию со дня рождения Заслуженного учителя РСФСР Анны Радостевой.

Сiя олö велöтчиссезлöн сьöлöмын. Ошибскöй шöрöт общеобразовательнöй школа ордчöн Кудымкарскöй районнöй архивкöт чулöтiсö памятнöй рыт, кöда вöлi лöсьöтöм РСФСР-лöн заслуженнöй велöтiсь Анна Радостевалöн нимлун кежö.

Кыкьямысдас вит год тырис бы чужан лунсянь рам сьöлöма инькалö, гöра нима велöтiсьлö Анна Михайловна Радостевалö. Уна годдэз сьöрна сiя уджалiсь  Ошибскöй школаын велöтiсьöн.  

Велöтiсь-биолог  лоис Ошибись школаын уджалiссез понда ыджыт гордостьöн и бур примерöн. Учебно-воспитательнöй уджын босьтöм успеххез понда öкмысöт пятилетка годдэзö сельскöй велöтiсьлöн заслугаэз вöлiсö вылына донтöмöсь. 1960 годö Анна Радостева наградитöм «За трудовую доблесть» медальöн, кватьдас витöт годö – «Народнöй просвещеннелöн отличник» нима значокöн, а кватьдас кватьöт годö – Ленинлöн орденöн. Сылö вöлiсö сетöмöсь «РСФСР школаись заслуженнöй велöтiсь» да «Учитель - методист» нима званнёэз.