Медбы орддьыны пожаррез

На контроле.  В связи с участившимися пожарами на территории Коми-Пермяцкого округа объявлен особый противопожарный режим. Сейчас в Кудымкаре и районах округа проводятся рейды. Под пристальным оком надзорных органов оказались асоциальные семьи.

Медбы орддьыны пожаррез. Бöрья сотчöммез увья  Коми-Пермяцкöй округлöн территория вылын вöлi юöртöм особöй противопожарнöй режим. Öнi Кудымкарын и мöдiк муниципалитеттэзын мунöны рейддэз.

Адрессэз уна и öтiкöн ны коласiсь лоис Свердлова нима улица вылiсь керку. Несовершеннолетньöйезлöн делоэз сьöртi комиссия ордчöн ОНД-кöт и Всероссийскöй         пожарнöй обществоись специалисттэзкöт öтласа рейд коста видзöтiсö неблагополучнöй  семьяэз. Эд сэтшöммескöт и шоггез унажык, ыджыттэсö колö дозирайтны, кыдз челядьöс. Проверка коста медодз син вылö усьö гор. Сiя жугалöм, разьсьöм и сы гöгöр кöмкöт-паськöм. Быдöс эта вермас öзйыны, а керкуын учöт челядь и эшö уна мöдiк сэтшöм жö «горе-семьяэз».

Проблема электропроводкаöн вöлi не только эта квартираын. Мöдiк семьялöн чераньвеза счётчик, сэтöн жö быдонныслö тöдса жучок, абу электропатроннэз. Случайез, кöр  эттшöм халатнöй отношеннё вайöтö пожарöдз, вöлiсö таво ни, сiйöн отирлö вились сеталiсö памяткаэз. Казялöм нарушеннёэз хозяевалö мыччалiсö, и матын кадö нiйö колö дзимлявны.

Профилактическöй рейд мыччалiс, мый Свердлова нима улица выл1сь витдас кыкьямысöт номера керкуын отир кыдз асланыс, сiдз и ордчöн олiссезлöн безопасность понда немымда оз тöждö. Омöн тыдалö антисанитария да быдкодь нарушеннеэз.