Пусям да пöжасям!

Талун ассис удж пондöтiс «Юный маэстро кухни - 2014» нима куимöт краевöй Этнокультурнöй гастрономическöй Фестиваль. Участие сыын принимайтöны Коми-Пермяцкöй округись образовательнöй учрежденнеэзiсь велöтчиссез. Медодзаись таво участие фестивальын примитасö ограниченнöй возможносттеза челядь. Вермасьны öтамöд коласын пондасö том кулинаррес нёль номинация сьöртi.

«Холодная закуска» нима номинацияын пондасö вермасьны здоровьелöн ограниченнöй возможносттеза челядь. «Арт-класс» номинацияын велöтчиссес долженöсь лоасö пищевöй продукттэзiсь керны художественнöй изделиеэз - картинаэз, панно, композицияэз да мöдiкöсь. «Национальное блюдо» номинацияын конкурсанттэз вермасö мыччавны авторскöй либо коми-пермяцкöй кухняись керöм сёян. Чöскыт сёяннэз велöтчиссес керасö «Десерт» нима номинацияын.

Медассямаöн лоас «Черный ящик» нима номинация. Сыын участие принимайтö территориясянь öтiк команда. И быд участник сувтöтöм öткодь условиеэзö. Вермасьöмлöн условиеэз сьöртi организаторрез сетöны продукттэзiсь набор, кöдаись участниккес кад вылö лöсьöтöны кык морт вылö обед.

2012-öй годö медодззаись чулöтöм гастрономическöй фестиваль вылын участие примитiсö Коми округись даскыкьямыс велöтчан учрежденнеись кватьдасся унажык велöтчись.

Мöйму аслас площадкаэз вылын фестивальыс примитiс Коми-Пермяцкöй округись кыкдас нёль общеобразовательнöй учрежденнёись кыкьямысдасся унажык участникöс. Таво жö заявкаэс локтiсö куимдас вит велöтчан заведеннеись.