Бытшöм да колана удж

«Передышка» нима проект лöсьöтöм могöн отсавны аймаммезлö, кöдналöн эмöсь ограниченнöй возможносттеза пиэз. Сылöн автор – Светлана Калина – морт, кöдалöн аслас этшöм кага.

Проектлöн реализация мунö карись «Радуга» нима челядь понда центрын. Эта организациялöн талуння лун кежö эм ни опыт этшöм пиэзкöт уджын. Месяц вылын öтпырись нiя чулöтöны челядёккез понда быдкодь пантасьöммез и нельки вермасьöммез. Кыдз шуис юралiсь, нiя радöсь, мый проект реализация понда площадкаöн бöрйисö нiйö. Сiдз жö челядькöт татöн уджалö психолог. Эд этшöм пиэз дынö пыр колö ассяма подход, а нылöн аймаммезлö – поддержка да советтэз.

Проект «Передышка» лоис сьöлöмви маммез понда. Этшöм ассяма челядёккезкöт нылöн етша прос кад, а эта проектыс сетö возможность кольлыны пиэзнысö, медбы керны колана моггез.

Декабрь месяцö проект помалö ассис удж, но сылöн могöн вöлi мыччавны отирлö этшöм уджлiсь колöм.