Пармалöн мича чужöм

Культурно-деловöй центрись выставочнöй залын оссис «Очарование Пармы» нима выставка. Ассиныс уджжез представитiсö Пармаись художниккез.

«Пармалöн художниккез» нима объединеннё вились чукортiс традиционноöй арся вернисаж. Дасквать гöгöр удж нiя петкöтiсö эта выставка вылö. Экспозициялöн участниккезöн лоисö Нина Новикова, Леонид Бражкин, Михаил Гуреев да мöдiк авторрез. Уджжез коласын эмöсь кыдз одззася годся уджжез, сiдз и вильöсь.

Ассис уджжез выставка вылын мыччалiс и Белоево посадiсь керамист Иван Канюков.

Локтан год вылын «Пармалöн художниккез» нима чукöр порйöтас кыкдас годся юбилей. Тавося выставкаыс предъюбилейнöй, и чукöрлöн быд художник понда сiя лоö знаковöйöн, лыддьö Михаил Гуреев.

Выставочнöй зал видзчисьö гöссезöс быд лун. Быд морт татöн вермас адззыны удж сьöлöмви да пыдынжыка тöдсасьны миян художниккезлöн творчествокöт.