Кудымкарскöй городскöй судöн веськöтлiсь Пётр Хромцов мунiс отставкаö

Округлöн да карлöн судебнöй системаын сiя уджалiс кыкдас год.

Пётр Хромцовлöн уджалан биография пондöтчис Кудымкарскöй городскöй судын, сыбöрын уджалiс Кочевскöй да Юсьвинскöй районнэзын. 2000 годö Петр Ивановичöс сувтöтöны веськöтлыны Кудымкарскöй городскöй судöн. Судьялöн уджалан стаж – кык дас год. Кольлавны федеральнöй судьяöс отставкаö карись судö чукöртчисö сылöн коллегаэз да властьлöн представителлез.

Петр Хромцов уна годдэз сьöрна вöлi Пермскöй крайись суддэзлöн Советын. Сы кипод увтын Кудымкарскöй городскöй судлöн удж не öтпырись петавлiс Пермскэй край пасьта лидеррезö. Бытшöм удж понда сiя наградитöм грамотаэзöн да мöдiк почетнöй знаккезöн.

Уна годдэза безупречнöй, добросовестнöй да принципиальнöй удж понда да судебнöй системаö пуктöм пай понда 2010 годö Петр Хромцовлö вöлi сетöм «Почетный работник судебной системы» почетнöй ним.

Петр Хромцовлöн отставка бöрсянь, декабрь медодзза лунсянь, Кудымкарскöй городскöй судöн пондас веськöтлыны Юрлинскöй районнöй судöн юралiсь Тимофей Грошев.