Чужан лунöн тэнö, дона челядь сад

Кудымкарись кыкдас сизимöт номера «Колокольчик» нима челядь сад пройöтiс юбилей. Сылö тырис кыкдас вит год.

Кыкдас вит годöн одзжык «Колокольчик» нима челядь садлöн группаэзö пырисö медодзза пиэз. И öнöдз татöн эзö дугдылö горавны челядёккезлöн шынь-серöма шыэз. Талуння лун вылö татöн уджалöны дасквать велöтiсь – быдöнныс творческöй да удж радейтiсь отир. Нiя мыччалöны асьнысö не дзир карын да крайын. Эмöсь и челядькöт öтласа проекттэз. Например, таво ни, эстöн эмöсь нельки международнöй конкурссэзлöн вермиссез.

Педагоггез мыччалöны уджын не дзир ассиныс профессионализм, но и челядёккез дынö радейтом. Этшöм педагоггез лоöны челядьёккез понда мöдiк маммезöн. Эд мукöдпыр нiя чулöтöны ныкöт унажык кад, нежели матiсь морттэз. И аймаммез вылына донтöны велöтiссезлiсь удж. Зорамны одзлань, шуд да быд лунся крепыт здоровье кöсйисö праздничнöй мероприятие коста пиэзлöн аймаммез да гöссез. Эд уджсянь, кöдö керöны садикын, сэсся вермас лоны йитöм пиэзлöн одззася олан.