Яндекс.Метрика

Гора вермöм!

Кудымкарись спортсменка Настя Подъянова лоис Казаньын легкöй атлетика сьöртi Всероссийскöй соревнованнеэз вылын чемпионкаöн. Öтлаын мöдiк спортсменкаэзкöт нылочка велöтчö карись ДЮСШ-ын. Настя ветлöтö легкöй атлетика сьöртi секция вылö дзир мöдiк год, а ештiс ни тыртны котрасьöм сьöртi медодзза разряд. Успеххэзын ыджыт пай сiя сетö аслас тренер Леонид Четинлö. Кудымкарын легкöй атлетикаöн занимайтчöны уна челядь. Леонид Четинлöн секцияö вовлöны кыкдас гöгöр морт. Унажыкыс ны коласiсь карлöн, крайлöн да Россиялöн вермасьöммезын победителлез. Мöйму Москваись тренеррез босьтiсö Леонид Чкетинлöн секцияись Олимпийскöй резерва школаö öддьöн перспективнöй зонкаöс. Москваын миян земляк мычалiс асьсö дзир бур ладорсянь.

Эта год вылö тренер-преподаватель Леонид Четин сувтöтö ас одзас эшö ыджытжык моггэез. Челядьлöн вынлö да способносттезлэö сiя веритö, но крыша увтын ыджытжык спортивнöй зал, нето манеж, отсалiс бы Кудымкарын спортсменнэзлö судзöтны эшэö не öтiк вылын победа.


Опубликовано: 24.11.2014 в 13:02 в рубрике - Новости

Комментарии

К этой статье пока нет комментариев. Вы можете стать первым!


Добавить комментарий:

Все поля должны быть заполнены.

Имя

Электронная почта

Текст комментария:
Вводите только текст. HTML-форматирование удаляется автоматически.

Перезагрузить картинку можно кликнув по ней.  

Введите цифры с картинки.

Обратите внимание