«Орса. Лыддьöта. Тöда. Верма»

«Орса. Лыддьöта. Тöда. Верма» - этшöм ним увтын вöлi реализуйтöм челядь понда библиотекалöн медбöрья проект. Сылöн участниккезöн лоисö куимсё гöгöр челядёк. Проект вöлi реализуйтöм культура годлöн рамкаэз пытшкын. Участниккезöн лоисö дас-дасвит годся челядь. Ны понда вöлiсö чулöтöмöсь нёль орсан, кöдна коста нiя ветлiсö музейö, пантасьлiсö гижиськöт. Но а шöр могöн вöлi – сетны челядьлö мам му йылiсь тöдöммез.

Проектлöн реализация коста челядь тöдiсö, кöр вöлiсö осьтöмöсь ыджыт объекттэз, кытöн и кыдз олiсö тöдчана йöз. Вöлiсö и сэтшöм юасьöммез кыдз, кытшöм медодзза пьеса вöлi сувтöтöм миян театрын, да мöдiкöсь.

Вермасьöммезын да пантасьöммезын, кöдна чулалiсö проект реализация коста, примитiсö участие куимсёся унажык пи. Челядь тöдсасисö крайлöн историякöт да культуракöт и нылöн аркмис интерес лыддьöтны краеведческöй небöггез да эшö унажык тöдны мам му йылiсь.