В Белоевской церкви освятили колокола

Работы по восстановлению церкви в с. Белоево продолжаются. В минувшие выходные привезли и освятили колокола. В 2018 году Белоевской церкви исполнится 150 лет и жители надеются, что к этой дате все работы будут завершены.

Удж мунö одзлань. Кудымкарскöй районiсь Белоево посадын одзлань мунö вичкулöн восстановленнё сьöртi удж. Кольöм шоччисян луннэзö сэтчин вайисö колоколлэз. Быдöссö нiя вита, ыджытжыкыс медсьöкыт -   кыкямысдас квать килограмм мымда.

Синйыны освещеннё сьöрны локтiсö Белоевоись олiссез. Эд именно йöз понда керсьö эта зэв колана уджыс. Белоевоись Власьевскöй вичку вöлi строитöм эшö 1868 годö, граф Строганов да прихожаналöн сьöм вылö. 1937 годö советскöй власть тшöктiс вичкусö пöднавны, зданнё пытшкын осьтiсö клуб.

Локтан годö тырас сё витдас год сiя кадсянь, кыдз Белоевоын вöлi осьтöм вичку.  Отир надейтчöны, мый тöдчана, юбилейнöй год кежö сiя лоас лöсьöтöм и татчö позяс вовлыны службаэз вылö.

Бöрья годдэзö учöт посаддэзын да деревняэзын олан абу кокнит. Кинлöнкö абу удж, кинлöкö оз тырмы сьöм. Мукодлöн оз тырмы вын да усьöны киэз. Верующöй отир шуöны, мый мортлö сетöмöсь сымда испытаннёэз, мымда  пырйöт нiя вермасö мунны. Колö мед ен сетiс вын. И бур, мый öнi Белоевоись отир понда сiя лоас матынжык.