ФАПов стало больше

В с. Юм Юрлинского района состоялась церемония открытия нового здания фельдшерско-акушерского пункта.

Юмын осьтiсö виль ФАП. Эта лунö татчö  локтiсö посадiсь уна олiссез. Нiя, кин понда и вöлi лöсьöтöм эта объектыс. Торжетвеннöй осьтöм бöрын быдöнныс пырисö видзöтны виль ФАП-лiсь пытшксö. Татöн югыт да бытшöм. Сулалö виль мебель.

Öнi фельдшеррез видзöтöны важ керкуныс вылö дзир öшынö. Нiя эшö годöн одзжык нельки эзö и думайтö, мый новоселье вермас лоны этшöм матын. Важ ФАП кольччис дзир касьтылöммезын. Важ зданнё пытшкын вöлi сайкыт, отирлö колiс кайны мöдiк этаж выло, эз вöв нельки ва.

Донтiсö здравоохраненнёлiсь виль объект и Юмись олiссез. Татчö  пондасö локны отирыс не только Юмись, но и нiя кыкямыс деревняись, кöдна сулалöны Юм гöгöр. Кыдз шуисö фельдшеррез, локтöны и ылiсьжык деревняэзiсь. Нiя примитöны быдöннысö.