Гуманитарная помощь для «Рассвета»

Несколько мешков с посудой, одеждой, обувью привезли волонтеры из Перми для жителей приюта «Рассвет». Все вещи собрали неравнодушные люди Прикамья. Теперь, по словам сотрудников волонтеркой организации, подобная помощь будет оказываться приюту регулярно.

Бекöр-паньöн, паськöмöн да кöмкöтöн  неöтiк мешöк «Рассвет» приютiсь олiссез понда  вайисö пермскöй волонтеррез. Быдöс этнö  паськöмсö öктiсö Прикамьеись неравнодушнöй отир. Волонтерскöй организациялöн сотрудниккез кыввез сьöртi, этшöм отсöтыс приют понда пондас сетчыны и одзлань. 

Öнi приютын лыддиссьö нёльдас гöгöр морт. Олöны нiя öкмыс керкуын. Этчö локтöны нiя, кин шедiс оланлöн сьöкыт ситуацияö. Кин вермö, локтöны асьныс, а кинöскö приютлöн хозяйкаыс адззö öтöрись и сетö нылö юр весьтын вевт. Олöны эстöн и инвалиддэз, и горттöм отир, и кöркöся заключеннöйез. Быдoнныс нiя эстöн адззисö аслыныс горт и удж. Сiдз, например, Николай Баяндин заптö тöв кежö пес.

Приют аркмöтiсь Валентина Овчинникова кыввез сьöртi, отир сё локтöны и локтöны. Только вот местаэс оз ни тырмö. Мед сетны локтiсь отирлö места, колö лöсьöтны чапкöм керкуэз. Сэтшoм керкуэс деревняас уна, но мед лöсьöтны нiйö, сьöмыс колö не етша.

Уджжес мунöны дугдывтöг. Нiя, кин вермöны, кыдз вермöны отсасьöны. Нач чожа ни деревняын лоас асланыс медицинскöй пункт. Зданнеыс чожа ни лоас готов. Но быдöнныс понда медглавнöйöн лоö туй лöсьöтöм, кöда бердö местнöй власттез кутчисясö нач ни чожа.