Как пережить «Минуту славы»

Минута славы. В Коми-Пермяцком техникуме торговли и сервиса состоялся традиционный конкурс талантов «Минута славы», посвященный Дню студента. На суд жюри было представлено 10 творческих номеров по номинациям: «Хореография», «Вокал», «Художественное слово», «Оригинальный жанр».

Все участники были награждены сертификатами, победители дипломами.

Студенттэз мыччалiсö ассисныс кужöммез "Минута славы" нима вермасьöм вылын. Студенттэз лункöт йитöм мероприятиеэз Кудымкарись велöтчан заведеннёэзын чулалöны кузь неделя. Торговля и сервис кузя Коми-Пермяцкöй техникумись велöтчиссез вермасисö «Минута славы» нима вермасьöм вылын.

«Оригинальнöй жанр», «Хореография», «Вокал» и «Художественнöй кыв», быдöс этна творческöй номинацияэс вöлiсö пыртöмöсь «Минута славы» нима конкурсö. Торговля и сервис кузя Коми-Пермяцкöй техникум чулöтö эттшöм гажа вермасьöм не медодзза год. Сетны студенттэзлö возможность мыччавны ассиныс талант, быдкодь кужöммез и мастерство татiсь преподаватллез оз орддьö, ыджыт желаннеöн керöны этö студенттэзлöн вежалун лунö.

Сценкаэз, неыджыт сказкаэз и музыкальнöй номеррез велöтчиссез лöсьöтiсö асьныс. «Минута славы» нима конкурс вермис серöмтöтны нельки медстрогöй жюри.

Бытшöм выступленнеэз понда участниккезлö козьналiсö дипломмез и сертификаттэз. Видзöтiссез голосуйтiсö медбур сценическöй номер понда.

Студенттэзлöн лун кежö техникумын чулалiсö уна быдкодь мероприятиеэз. Томпöлöслiсь ыджыт вежалун таво татöн порйöтiсö горöна.