Откройте, полиция!

В Кудымкаре проходит оперативно-профилактическое мероприятие «Быт». Сотрудники отдела МВД России «Кудымкарский» провели на подведомственной территории оперативно-профилактическое мероприятие «Быт». Его цель – выявление, предупреждение и пресечение преступлений, совершаемых на почве семейно-бытовых отношений.

Кудымкарын чулалö «Быт» нима оперативно-профилактическöй мероприятие. Участковöй уполномоченнöйез синйöны асланыс административнöй участоккез сьöрын пыр, но эта операция коста профилактика нуöтöны эшö пыдынжыка.

Карись не быдöс семьяэз туйö шуны образцовöйезöн. Быд административнöй участок сьöртi, кöдна торйöтöмöсь участковöйез коласын, шогмö аслас показатель. Кар шöрись кыкöт номера административнöй участок вылын öнi уджалö участковöй уполномоченнöй Андрей Ермаков. И лунiсь лун нарушителлез ордын сiя кыдз видзчисьтöм гöсь. Закондзугиссез немымда оз радуйтчö, кöр соседдэз норасьны. А норасьöны уна квартираа керкуэзiсь олiссез юись отир вылö. Сэтшöммес эмöсь быд керкуын.

«Быт» вылö вачкисяна операцияэз чулалöны часто. Этаын эм ыджыт мог. Таво ни кык месяц коста вöлi регистрируйтöм куимдас öтiк бытовöй характера преступленне. Тяжкöй и особо тяжкöй преступленнеэз содiсö 66% вылö. Частожык преступленне вылö мунöны юиссез, сiйöн подход и вниманне ны дынö торья.

Копмлексын чулöтöм оперативно-профилактическöй мероприятиеэз отсаласö чинты бытовöй конфликттэз. Полицияись сотрудниккез ответственнöя нуöтöны операциялiсь быд этап.