В Кудымкаре открылся футбольный сезон

В Кудымкаре открылся футбольный сезон. На первенстве края встретились команды «Карагай» и «Парма». Команда города Кудымкара свой домашний матч проиграла. Игра закончилась со счетом 1:0 в пользу команды «Карагай».

Кудымкарын «Парма» стадион вылын оссис футбольнöй сезон. Пермской крайлöн первенствоын орсiсö «Парма» и «Карагай» командаэз. «Пармалöн» команднöй состав виль сезон кежö вильсямис. Эта пантасьöм кежö футболисттэз лöсьöтчисö бура. Карагайись команда Кудымкарись орсiссезлö тöдса, соперниккез нiя достойнöйöсь, сiйöн тактика и быдöс орсöмсö лöсьöтiсö ны сьöртi, мед кужны вермыны вынöн. Настрой миян командалöн вöлi только победа вылö и матч пондöтчис увереннöя.

Видзöтны футбольнöй матч öксисö уна отир. Командаэз мыччалiсö бытшöм орсöм. Опытнöй футболисттэз увереннöя мунiсö победа дынö. Быдкодь маневррез отсöтöн мырддялiсö öтамöдлiсь мяч. Поле вöлi коть и не идеальнöй, орсiсö командаэз кокнита.

Сетчыны соперниклö некин эз мöд, но серöмтчис фортуна не «Пармалö». Футбольнöй матч помассис счетöн 1:0. Крайлöн первенство вылын виль сезонлöн медодзза орсомын победа донзис Карагайлö. Одзлась спортсменнэзöс видзчисьöны виль пантасьöммез и виль матччез.