В Кочевской школе открылся новый спортивный зал

В Кочевской средней школе открылся новый спортивный зал. Он был построен в короткие сроки. Теперь у кочевских ребятишек возможностей заниматься физкультурой стало больше. Посещать спортзал могут и жители села.

Велöтчиссез понда бур козин. Виль велöтчан год кежö Кочёвскöй школаын велöтчиссез получитісö зэв бур козин: татöн ны понда оссис виль спортивнöй зал. Басöк вевдöрсянь, пытшксянь сія öддьöн югыт да мича. Пантавны этö гажа событиесö öксисö уна гöссез. Нылö челядь мыччалісö ассиныс быдкодь кужöммез.

Басöк песня гораліс ылö ыджыт зал пасьта, сія вöлі посвятитöм миян ыджыт Родиналö, кöдаын челядь олöны да быдмöны. Патриотизм – не медбöрья тор быд спортсмен понда.

Виль спортзал, кöда гажöтö син да лэбтö охота орсыштны эстöн волейболöн нето баскетболöн, лэбис дженыт срокö и öддьöн колана кадö, сійöн сетіс вежöртны, мый строитны сэтшöм объекттэз позьö бура и не кыскыны ны сетöмöн.

Эта гажа событиекöт йитсисö и мöдікöсь: отир, кöдна пуктісö ыджыт пай районын спорт зоралöмö, вöлісö пасйöмöсь аттьöалан гижöттэзöн да козиннэзöн. Ны коласын кыдз и спортсменнэз, кöдна эшö велöтчöны школаын, сідз и нылöн велöтіссез, тренеррез, да спортлöн ветераннэз.

Эта спорт понда керку лоö зэв важнöй торöн сы понда, мед спорт татöн зорамис эшö буржыка да эшö унажык челядёк сувтісö эта туй вылö. Велöтчиссез, кöдна занимайтчисö физкультураöн дзескытінын, öні пондасö ветлывлыны сы вылö ыджыт охотаöн.

Сійö жö пасйис ас кыввезын и районлöн юралісь. И кöть медшöр хозяиннэзöн татöн лоасö велöтчиссез, сё жö зал осьтас ассис ыбöссэз и посадын оліссез понда, кöна радейтöны орсны волейболöн да мöдік орсаннэзöн.

Нія, кин судзлаліс рекорддэз сэк, кöр эшö бур условиэз эзö сетö сэтшöм возможность, лыддьöны, мый челядь понда буржык козиныс и лоны оз вермы, и талун кöсйöны нылö дзир колана торрез.

Виль зал сетас спорт радейтіссезлö сэтшöм возможность. Челядьлöн лудісö ни киэз пешлыны виль площадка, и нія лöсьöтчисö орсны волейболöн. Нія торйöтчисö, мый сэтшöм залын оз позь занимайтчыны умöля.

А тренеррез шуöны, мый эта керку мездöтас уна шоггез велöтчиссезлöн занятиеэз сьöрті, но сы понда мед районын спорт оськаліс кадкöт öткоста, колö керны эшö öддьöн уна и сувтчыны эта вылын оз ков.

Сідзкö, татісь позьö видзчисьны виль рекорддэз да спортлöн лэбöм, эд условиэз эта понда жагöника бурсялöны. А отир, кöдна вермасö керны этö, татöн эмöсь.