«Не забудьте нас!»

«Не забудьте нас!» Под таким  названием Пермское краевое общество «Мемориал» привезло в Кудымкар передвижную выставку.  Ведущий рассказал о тех, кто жил и работал в нашем крае и на своей шкуре узнал горький вкус тюремной и лагерной жизни. Выставка рассказывает о них через фотографии, личные письма и документы. На эти печальные страницы истории попали разные люди: инженеры и учёные, рабочие и студенты. Выставка даёт возможность услышать голос ушедших поколений.

Курыт кад йылiсь касьтылöм.  «Мемориал» нима Перемись чукöр вайис Кудымкарö передвижнöй выставка, кöда шусьö «Не забудьте нас!». Аудитория выставка осьтöм вылö öксис нач том, и нуöтісь кужис петкöтны ныын интерес сьöкыт тема дынö медоддза минутасянь.

И пондöтчис кузь висьтасьöм ны йылісь, кин оліс миян крайын да ас кучик вылын пешліс тюрьмаэзлісь да лагеррезлісь курыт кöрсö. Выставка осьтö нылісь олантуйез фотографияэз, личнöй письмоэз да документтэз сьöрті. Историялöн этна гажтöм листбоккез вылö шедісö быдкодь отир: выставка висьтасьö инженеррез да учёнöйез, рабочöй йöз да студенттэз йылісь. Нія сетöны возможность кывны мунöм поколеннёэзлісь шыэз.

Кынымкö морт – этö неыджыт торок ныись, кин крута вежис ассис олансö не ас воля сьöрті. Нія вермисö лоны кинкö бабöн нето дедöн, соседöн нето просто тöдсаöн. Чукрассьöм олантуйеза отир коласын эм нельки инька, ним кöдалöн кольöм кадын Перемись хореографическöй училище стена вылын, эд сія вöлі сы аркмöтісьöн. Сійö эз орддьы лагерьын сьöкыт олан. Эта да мöдік историяэзкöт, кöдна пыдына пуксьöны юрвемö да ловö, тöдсöтö выставка. И кывбур, кöдö висьтасис нуöтісь, гижöм сэтчин жö, гажтöм местаэзын, сійöн йиджö сьöлöмöдз.

Томпöлöс, кöдна лоисö эта выставкалöн миян карын медодзза видзöтіссезöн, кывзісö внимательнöя. Нія тöдісö не дзир сійö, кытшöм пемыт кадкöт пантасисö кöркö отир, но и сійö, мый асьныс вермасö тöдны унажык асланыс матісь отир йылісь, кöднö павкöтліс эта шог. Эта понда колö дзир тöдны нылісь ним, и, поди, öтік чочком пятноöн кытшöмкö семьялöн историяын лоас етшажык.

Чулалöм векись событиез дынö быд мортлöн аслас отношеннё, но колö мед сія вöлі. Эта понда колö уна лыддьöтны, кошшыны, думайтны. Думайтны быдöс йылісь, мый миянлö козьналö важын ни чулалöм ни кад. И сэк нія, кинлöн олантуй лоис кырöвтöмöн, оз ло вунöтöм, а сэтшöм гажтöм событиеэзісь лоасö петкöтöмöсь уроккез.