Красота начинается с себя

Житель деревни Петухово Кочевского района благоустройство деревни начал с собственного двора, где открыл небольшой парк деревянных скульптур, которые сам же и вырезает. Теперь в его планах облагородить всю деревню.

Бытшöм кö тэнат ловыт, бытшöм лоас и посад. Резак да стамеска отсöтöн обычнöй чурка Александр Хомяков киэзын пöртчö коми-пермяцкöй сказкаэзiсь геройö. Пу кузя вундасьны Александр пондöтчис кынымкö годöн одзжык, сэк, кöр бертiс гортö армиясянь. Öнi мастерлöн планнэзын бытшöмсьöтны горт посад.   Вежны учöт чужанiнлiсь чужöмсö пондöтчис аслас курку гöгöрсянь. Öнi эстöн дас фигурся унажык. Аслас уджжезын сiя мыччалö коми-пермяцкöй легендаэзiсь не дзик бур, но и умöль персонажжезöс. Пуовöй скульптураэзiсь сказочнöй парк сулалö туй дорын.

Быдкодь фигураэзся мастер керис горт дынас эшö и челядь понда площадка, кöда лоис медрадейтана местаöн не только деревняись, но и быдсöн поселеннеись челядь понда.  Эд шоччисьöм понда сэсся мöдiк местаэс поселеннеын и абу. Кыдз шуöны деревняись олiссес, чиновниккез кöть и кöсйисö керны специальнöй площадка, но кытчöдз быдöс кольччис дзик кыввез вылын.  

А ыджытжык челядьыс не только орсöны, но и пондылöны асьныс вундавны пуись фигуркаэз. Не быдöс кытчöдз шогмö, но надейтчöны, что чожа и асьныс велаласö эта не кокнит удж дорö. 

Уджсянь прос кадсö Александр Хомяков чулöтчö фигураэз вундалöм сайын. Эд планнэзын гожум кежö аркмöтны виль пуовöй персонажжезöс, кöдна лоасö  сувтöтöмöсь деревняись улицаэз вылын.