Коми-пермяцкий язык: новое измерение

Живя в Коми-Пермяцком округе, изучать родной язык не сложно. Показательные уроки, проведенные в Сервинской школе Кудымкарского района,  стали достойным примером тому, как преподается коми-пермяцкий язык в школе. На уроках литературы дети без стеснения читали коми-пермяцкие произведения. Любовь к языку помогает его развитию, так считают учащиеся и учителя Сервинской школы. Сегодня для учебы созданы все условия. И динамика меняется в лучшую сторону, количество детей, изучающих коми-пермяцкий язык, из года в год увеличивается. В школах района реализуется проект «Коми-пермяцкий язык: новое измерение»

Коми-пермяцкöй кыв велöтiсь челядьлöн лыд содö. Российскöй Федерацияись президентлöн Приволжскöй федеральнöй округын полномочнöй представитель Михаил Бабич, а сiдзжö Пермскöй крайлöн губернатор Виктор Басаргин и мортлöн правоэз сьöртi уполномоченнöй уджалан визитöн локтiсö Кудымкарö. Нiя бöрйисö социально-экономическöй вопроссэз, видзöтiсö образовательнöй деятельность, а сiдзжö сiйö, кыдз школаэзын велöтöны роднöй коми-пермяцкöй кыв.

Коми-пермяцкöй кыв да литература уроккез вылын Сервинскöй школаись челядь баитöны дзир комиöн, кöть и эмöсь классын роччез. Кыдз шуöны школаись велöтiссез, челядь бöрйисö сiдз асьныс, мам кыв дынö нылöн торья отношеннё.

Зорамö кылыс дзир бур велöтiсь дынын, комиöн бытшöма баитiсь отир дынын. Гöссезлö мыччалöм уроккез лоисö школын бура велöтöмыслö достойнöй примерöн. Учöт и ыджыт велöтчиссез повтöма лыддьöтiсö комиöн.

Кыдз баитöны пиэз, этö не английскöй, Коми-Пермяцкöй округын овтöн комиас велöтчыны абу сьöкыт, нельки Нижневартовскись Юля оз лыддьы кывсö йöзöн. Коми челядьлöн баитöм и литература уроккез вöрзьöтiсö нылочкалiсь сьöлöм.

Ёна донтöны татiсь челядь и чужан кывлiсь лунсö. Февраль дассизмöт лунö Кудымкарскöй районiсь быд школаын чулаласö вежалунся мероприятиеэз. Округын пондасö порйöтны коми-пермяцкöй кывлiсь лун.

Радейтöм отсалö зорöтöмын, сiдз лыддьöны Сервинскöй школаись велöтiссез и велöтчиссез. Талун велöтöм понда эмöсь быдöс условиеэз, динамика вежсьö бур ладорö, школаэзын реализуйтчö «Коми-пермяцкий язык в школе: Новое измерение» нима проект. Сiйöн и коми-пермяцкöй кыв велöтiсь челядьлöн лыд содö.