Как рыба в воде

В Кудымкаре выявили лучших пловцов. В Физкультурно-оздоровительном комплексе г. Кудымкара прошел Кубок г. Кудымкара по плаванию среди учащихся образовательных школ города. Кубок был посвящен Дню защитника Отечества. Личные заплывы и командные эстафеты прошли по трем возрастным группам от 10 до 16 лет.

Уялiссез коласын петiсö виль лидеррез. Уялöм сьöртi карлöн кубок вылын вермасисö сизимдасся унажык спортсмен. Бассейнын уялöм сьöртi вермасьöм чулотчис таво медодззаись. Эта кад кежö плавательнöй спорт дынö интерес эшö буржыка содiс, физкультурно-оздоровительнöй комплексö пондiсö ветлöтны унажык уялiсь. Эта вермасьöм вылö петiсö уялöм сьöртi медчожжез и вынаэс. Медодзза старт сетiсö медучöттэзлö. Уйисö куимöт–нёльöт классэзiсь спортсменнэз. Нылочкаэз и зоночкаэз уйисö витдас метра. Ваын уйöм коста быдыс ны коласiсь думайтiсö дзир скорость йылiсь, эд бур физическöй подготовка и правильнöй техника отсалöны шедтыны бур результат.

Но, а призовöй местаэз торйöтчисö сiдз: медодзза места вылын лоис Маша Макарова, кыкöт вылын - Катя Гончарова, куимöтöн лоис Настя Куликова. Бур кад уйöмын мыччалiсö и зонкаэз. Кыкдас кыкьямыс секунда лоис медбур результатöн и этö рекордсö сувтöтiс Егор Стругов. Мöдiккез сiдзжö уйисö неумöля.

Бассйенын чулалiс эшö и эстафета. Эстöн медодзза и кыкöт места дöнзисö куимöт номера гимназиялö. Куимöтöн наградитiсö медодзза номера школа. Быд бур уйись адззис ас понда награда. Соревнованнеэз вылын козьналiсö не öтiк дас медаль.