Режиссеру Анатолию Балуеву исполнилось бы 70 лет

Миян му вылісь енбиа отир коласын Анатолий Балуевлö сетöм вылын места. Сылöн роднöй му йылісь сьыланкыв оз вачкись мöдіккез вылö, эд Анатолий Данилович сьылöтіс сійö кино пырйöт. Анатолий Балуев снимайтіс  кино олан йылісь, кöда чулалö миян гöгöрын, но этасянь сылöн фильммез озö лоö гажтöммезöн, нія кольöны юрын уна быдкодь думаэз да тшöктöны зрительöс мöдкодя видзöтны ас гöгöр. Киноись геройöн лоис Анатолий Макаров, кöдö режиссёркöт йитіс «Звёздная пыль» нима медбöрья фильм вылын удж. Сы мненнё сьöрті, фильм видзö ас пытшкын быдкодь философскöй думаэз, и кöть уджыс сы вылын вöлі öддьöн ассямаöн, фильм петіс дзик кывбур, кокнит да интереснöй.

Кыдз любöй творческöй морт, Анатолий Балуев пыр кошшис ас гöгöр темаэз, кöдна вылö кино пырйöт баитіс отиркöт. Сылöн уджжез вöлісö вылына донтöмöсь кыдз Россияын, сідз и мöдік странаэзын, но эта эз ылынсьöт сійö мöдіккезсянь.

Сы уджжез пырйöт мöдік муэзын олісь отир тöдсасьöны коми-пермяккезкöт, миян оланкöт да культуракöт. Пым сьöлöма Мастерлöн ас му йылісь сьыланкыв горалö ылö да  öзтö отирлісь сьöлöммез.