Игорь Беглеров - чемпион России по самбо

Подарок на день рождения! В итоговом матче чемпионата России по самбо кудымкарский спортсмен, двукратный чемпион мира Игорь Беглеров одержал победу над четырехкратным чемпионом страны Валерием Сороноковым. Победу Игорь Беглеров одержал в день своего рождения. Победная серия спортсмена началась с 2009 года. За это время завоевал три бронзовые, две серебряные и три золотые медали.

Нимлун кежö бытшöм козин. Самбоын эм прием, кöда шусьö  «отхват». Медбы сiйö кужны керны, медодз колö кужöмöн керны правильнöй захват, а сэсся ни - бросок. Эталö велöтöны самбоын медодзза оськöввезсянь. Но именно сiя самбо сьöртi Россиялöн чемпионат вылын вайис Игорь Беглеровлö победа. 

Победа дöнзис Игорь Беглеровлö аслас чужан лунö. Туйсö эта вермöм дынö кокнитöн шуны оз туй. Вермасьöм кежö спортсменлö ковсис умöльтчыны кыкьямыс килограмм вылö.  Витдас кык килограммöдз весовöй категорияын первенство вылö претендуйтiсö куимдас морт. Итоговöй матч вылын Кудымкарись спортсмен вермис странаись нельпöвса чемпион Валерий Сороноковöс. И эта сылöн Россиялöн чемпионат вылын немедодзза пьедестал. 

Кыным быдöссö победа вöлiсö, чемпионыс оз ни лыддьы.  Медглавнöй наградаэзöн ас понда лыддьö кык зарниа да öтiк серебрянöй медаллез, кöднö шедтiс самбо сьöртi мирлöн чемпионаттэз вылын. Кыдз шуö спортсменлöн иньыс, победаэз шедтöм понда колö не дзик бур физическöй подготовка, но и моральнöй поддержка да сеянлöн правильнöй рацион.

Öнi вермасьöммез бöрын кык неделя мунасö восстановленне вылö, а сэсся вились пондöтчасö вынсьöтöм тренировкаэз. Эд таво ноябрь месяцö нiйö видзчисьö эшö öтiк тöдчана событие – с амбо сьöртi мирлöн чемпионат, кöда пондас чулöтчыны Болгарияись София карын.

Кыдз шуö Игорь Беглеров, этна вермасьöммез дынö пондас лöсьöтчыны öддьöн бура.  Эд сылöн шöр мог – лоны вермисьöн. А пырас кö сувтöтöм могыс оланö, то сэк эта лоас сылöн мировöй турнир вылын куимöт зарниа медаль.