«Студенческая весна» новую выставку принесла

В выставочном зале КДЦ вновь открылась новая выставка.  На суд зрителей представлены изделия, как изобразительного искусства, так и декоративно-прикладного творчества.  Картины, разрисованная посуда, музыкальные инструменты и одежда - все работы выполнены студентами учебных заведений города Кудымкара и объединены под общим названием «Студенческая весна». 

Эм мыйлö дивуйтчыны. Культурно-деловöй центрись выставочнöй зал тыра быдкодь дивуйтана уджжезöн. Орсöны син одзын быдкодь рöммезöн рисуйтöм картинаэз и серöтöм бекöрпань, орсан понда инструменттэз да паськöмлöн торрез. Керöм быдöс эта басöкыс карись велöтчан заведеннёэзісь студенттэзлöн киэзöн да пырöм «Студенческая весна» нима выставка пытшкö.

Видзöтны этна уджжез вылö локтісö нія, кöдна одзлань сідз жö пондасö шусьыны студенттэзöн. Öні нія велöтчöны школаын, и студенческöй выставка зорöтіс ныын ыджыт интерес.

Быдöс уджжез öддьöн ассямаöсь, сэтчö пуктöмöсь уна терпеннё да югыт кокнит лов. Ны вылö видзöттöн, челядьлöн нельки шогмö желаннё бöрйыны олантуй, кöда лоас йитöм ас киöн керöм творчествоöн.

Керны мыйкö бытшöмö позьö быдкодь материалісь, кöда куйлö син одзын. Мыччалöм уджжез понда материалöн лоис кöрт, пу, симöт, сунис, бумага да нельки шоколад. А студенттэзлöн ылö лэбзьöтана фантазия аркмöтіс быдöс этаись сэтшöм торрез, кöдна пыр гажöтöны син.