Продовольственная безопасность: что пожнём?

Сельхозпредприятия Коми-Пермяцкого округа готовятся к посевной. СХПК «Россия» лӧсьӧтчӧ петны ыббез вылӧ майлӧн медодзза луннэзӧ.

Посевнӧй кампаниялӧн структура нылӧн пыр ӧткодь. Уджжез «Россияын» пондӧтчӧны лӧсьӧтӧм плансянь. Посевнӧй зависитӧ бура заптӧм кӧдзыссянь.  Сідз кыдз СХПК «Россия» уджалӧ медвылын репродукцияэз вылын, локтан кӧдзан кад кежӧ кӧдзыслӧн элитнӧй сорттэз заптӧмӧсь тырмӧмви. Чожа агрономмез кутчасӧ травитны сюэз. Локтан посевнӧй кежӧ сизимдас процент вылӧ ремонтируйтісӧ техника.

Уджжезын бура отсаліс государственнӧй поддержка. Краевӧй власттез сетісӧ аграрийезлӧ федеральнӧй бюджетісь медодзза транш, этӧ 185,1 миллион руб, а региональнӧй бюджетісь - 221,9 миллион руб, этӧ сельскӧй хозяйство понда бур стартовӧй оськӧв.

Кыдз шуӧ хозяйствоӧн веськӧтлісь, аслас ыджыт команда понда сія оз тӧждісь. Инженернӧй служба уджалӧ бура, планнэзын таво небны виль сельхозтехника. Да и хозяйство колхозын паськалӧ, ӧні Серваын строитӧны виль молочнӧй комплекс, сія лоас куимӧт типовӧй дворӧн. Перспективаын модернизируйтны талуння уджжез.