«Узоры Пармы» завершили свою работу

«Узоры Пармы» завершили свою работу. В Коми-Пермяцком этнокультурном центре подвели итоги выставки детских и юношеских работ декоративно-прикладного творчества «Пармалöн серрез». Лучшие работы были отмечены дипломами и ценными подарками.

Медбур уджжез пасйöмöсь козиннэзӧн. Февральсянь апрельöдз Коми-Пермяцкöй этнокультурнöй центрын гажöтіс отирлісь синнэз «Пармалöн серрез» нима выставка. Татöн вöлісö мыччалöмöсь уджжез кужись киа челядьлöн округись и сы границаэз сайись, но локтіс кад бöрйыны быдöс уджжезісь медбуррезöс. Аттьöалöм вотöдз быдöнныс понда, кин локтіс татчö, чулалісö мастер-классэз, кытöн позис велавны рисуйтны, вурны дöра вылын серрез да керны мыйкö банісь.

Öтік участник эз кольччы сертификаттöг, а козиннэза местаэз висьталöм да аттьöалöм вöлі кольöм медбöрья минутаэз вылö. Кытчöдз участниккез тöдсасисö öтамöдкöт орсаннэз пырйöт.

Вермиссез вöлісö янсöтöмöсь куим возрастнöй категория вылö. Нія адззисисö быд номинацияын, кöдна коласын вöлісö бисерöн кыйöм, банöн уджалöм да вурсьöм. Козиннэзöн пасйöм челядьлöн чужöммез вылын югъялісö гажа шынньöввез.

Бöрйöм вöлі сьöкытöн жюри понда сійöн, мый быд уджö челядь пуктісö уна кужöммез да лов, но бöрйыны сё жö коліс. Мастеррез, кöдна керисö этö, торйöтчисö, мый отсаліс нылö не сорасьны эта бöрйöмын.

Ассяма выставка не öтік год сетö челядьлö возможность петкöтны югытö ас киöн керöм уджжез. Сія öзтö ныын чужан му да ремеслоэз дынö радейтöм.