В Кудымкаре открылась выставка фотографа Эдуарда Бусова

В Выставочном зале КДЦ открылась выставка фотографа Эдуарда Бусова. На ней представлены более семидесяти работ фотохудожника.

Кудымкарын оссис Эдуард Бусовлон фотовыставка. Быдкодь фотопортреттэз, вöр-ва да уна интереснойсö мыччалiс ас уджжезын том фотохудожник. Командировка увья открытие вылын сiя эз вöв, а вот роднöйез да желающöйез тöдсасьны фотоискусствокöт öксисö уна.

Карись КДЦ-лöн выставочнöй залын чукöртöмöсь сизимдасся унажык удж, этö быдкодь бытшöм да ассяма фотографияэз. Мортлöн фотопортреттэз, ас гöгöрись вöр-ва. Оланiсь уна неöткодь событиеэз мыччалöмöсь сiдз, кыдз нiйö адззö ачыс автор. Эдуард Бусов фотографируйтö уна годдэз.

Фотографияэз аркмöны оланiсь быдкодь обстоятельствоэз коста. Семьяöн нiя уна путешествуйтöны, участвуйтöны вежалуннэзын, форуммезын. Эдуардлöн уджжезiсь туйö казявны Кудымкарись юралiссезöс, уна тöдсаэзöс, уськöтны тöдвылö чулалöм праздниккез, концерттэз, гажа и сьöкыт луннэз.

Фотографияэз саймöтiсö видзöтiссезлiсь быдкодь чувствоэз. Уджжез гленитчисö быдонныслö.