В Кудымкаре организована школа здоровья

В Кудымкаре сотрудниками Центра медицинской профилактики на базе городской поликлиники была организована школа здоровья. В рамках акции работали сразу несколько площадок. Можно было измерить уровень холестерина и артериальное давление, сдать анализ крови на ВИЧ. Так же были прочтены лекции о здоровом образе жизни, о негативном воздействии на организм вредных привычек и т.д.

Здровье – сэтшöм тор, кöда сьöрын колö бура синйыны. Эта колö сы понда, мед некытшöм шогöт эз тшыкöт олан. Сэтшöм возможность округись оліссезлö вöлі сетöм карись Медицинскöй профилкатикалöн центрöн, кöда чукöртіс карись поликлиникаын Здоровьелöн школа.

Эта акция пытшкын поликлиникаын уджаліс не öтік площадка. Колана аппараттэз вылын позис меряйтны артериальнöй давленнё да холестеринлöн уровень, и сетны вир, мед проверитны, абу я сыын ВИЧ-ифекция.

Этна колана процедураэзся вöлісö чукöртöмöсь конференцияэз, кытöн отирлö висьтасисö здоровöй олан да умöль привычкаэз йылісь, тöдсöтісö сьöлöмлöн шогöттэзкöт. Сідз жö Перемись локтöм специалисттэз чулöтісö заседаннё и татісь веськöтліссезкöт, кöда вылын лэбтісö уна важнöй темаэз.

Мед дыржык лоны здоровöн, колö не дзир аскадö вовлыны веськöтліссез дынö, но и аслыт следитны здоровье сьöрын. А ежели шогöт сибöтчис видзчисьтöг, веськöтліссезлöн эта вылö эм бур совет.

Мероприятие пытшкын нуöтісö приём и векнит специалисттэз: эндокринолог, кардиолог, стоматолог и мöдікöсь. Пациенттэзлöн локтан моггез сідз жö вöлісö неöткодьöсь.

Уна отир вовлісö эта лунö поликлиникаö, мед паськытжыка тöдны здоровье берегитöмлöн способбез йылісь. Эд веськöтліссез, конечно, отсаласö, но быд морт аслас здоровье сьöрын должен медодз синйыны ачыс.