Выплаты продолжаются

В Кудымкаре состоялась пресс-конференция, которую провела директор филиала ПАО СК «Росгосстрах» в Пермском крае Вера Ранчинская. Основной темой встречи с журналистами стал вопрос урегулирования убытков компанией «Росгосстрах» жителям региона вследствие весеннего паводка. На пресс-конференции Вера Ранчинская озвучила информацию по страховым выплатам жителям, чьи дома были застрахованы.

Кудымкарись паводокын пострадавшöйезлö и öнi лыддьöны да вештöны компенсацияэз. Миллионнöй суммаэзын страховöй выплатаэз вештiс крайись пострадавшойезлö Росгосстрахлöн упраленнё.

Сэтшöм масштабнöй паводок, кöда вöлi таво, Кудымкарын шогмис первуись. Эта темаыс и паводок бöрсянь пострадавшöй отирлö страховöй вештöммез лоисö карись юралiськöт и крайись Росгосстрахлöн управленнеись директоркöт öтласа пресс-конференциялöн медшöр и важнöй юалöммезöн. Вештöммезлöн суммаэз карын лоисо ыджытöсь, öтiк олiсьлö, кöдалöн быдöс имущество тшыкис, страховöй компания вештiс нельки миллион да джын руб.

Медпопулярнöй классическöй страхованнё пырйöт вермисö бы вештыны сьöм эшö уна пострадавшöй мортлö, ежели бы олiссез аскадö локтiсö страховщиккез дынö. Кыдз торйöтчисö специалисттэз, страховöй охват Кудымкарын неыджыт. Кöть и страхуйтны öнi туйö не только асьтö, оланiн и сы гöгöрись постройкаэз, но и карч, ягöд да мöдiк берся.

Пресс-конференция вылын СМИ-лöн представителлез сетiсö уна быдкодь юасьöммез. Öтiкöн ны коласiсь лоис и сiя, мый керны, кöр паводок коста ва пытшкö сюрö автомобиль и мöдiк транспорт, и вештасö я ущерб понда.

Керны локтан год вылö прогноззэз, кытчöдз некин оз лысьт. Кытшöм вермас лоны паводок и мый видзчисьны вöр-васянь, метеорологгез и научнöй институтiсь специалисттэз висьтавны чорыта оз вермö. Сiйöн нельки эта пантасьöм коста, юралiсь корис отирöс лоны ас имущество дынö внимательнöйжыкöн.