Поспела в лесу черника

Сьöдягöд или кыдз эшö шуöны ойвыся районнэзын, чöд,   ягöдыс вöлi шуöм Лариса Петрова кыввез сьöртi, сiйöн, что сысянь сьöдöтöны киэз и öм. А вот кöр сьöртi  мöдiк сэтшöм ягöддэс абу. Ветлöтö вöрö ягöдла сiя быд год. Только вот таво сiя абу уна.

Кыдз шуöны отирыс, öктiсьны бур только даскык чассянь дасквать часöдз, кöр лысваыс турун вылас абу ни. Но гортiсь петны колö одзжык, эд ягöдысла мукöдпыр колö мунны вöрöттяс неöтiк километр. Да и чöдыс быдмö не быдлаын.

Öктöм бöрын ягöсö пызан вылö вайöны сахарöн и нöкöн (сметанаöн). А Вера Алексеева öктöм сьöдягöдсö заптö тöв кежö. Нельки чöскыт пирöггез пöжалö, но унажыксö пуö вареннё да керö компоттэз.  

Народнöй календарь сьöртi, июль 21-öй луныс лыддиссьö лунöн, кöр туйö ни чöдсö öктыны. Эта лунсянь ягöдлöн кöрыс медчöскыт лоö и ачыс туруныс сьöдягöдыслöн быдöс полезнöй свойствоэсö öктiс. Кыдз баитöны отирыс, если погоддяыс бур лоас, то август помöдз öктiсьны пондасö.  

Сысянь, что сьöдягöдыс таво етша, то и доныс сылöн округас видзсьö сё рубсянь - сё витдас рубöдз. Кыдз баитöны отирыс, таво вöрыс аслас тшак-ягöд вылö абу богатöй, сiйöн и доныс ны вылö оз чин. Асьныс жö мунöны вöрас, мед ештыны тöв кежö чöдiсь запассэз керны.