В Прикамье открыли «роддом» для буренок

Родильное отделение для коров.  В СХПК «Россия» Кудымкарского района открыта ещё одна животноводческая ферма, а точнее «родильное отделение» животноводческого комплекса в д. Малая Серва. Одновременно в отделении может содержаться до 120 голов скота.

Öнi эм кытöн йöвсявны. Кудымкарскöй районісь сельскöй хозяйство бура зорамö, эта мыччалöм «Россия» нима колхозöн. Эта производственнöй кооператив вермас ошшасьыштны не дзир сюлöн вылын урожайезöн, но и пода вöдитöм ладорын. Учöт Сер посадын, кытöн чукöтöм подалöн шöр лыд, оссис виль ферма. Посвятитöм эталö мероприятие вылын вöлісö уна гöссез да колхозлöн ветераннэз. Шоныт кыввез нылö висьталіс Кудымкарскöй районöн юралісь, кöда пасйис, мый экономика зоралöмын сельскöй хозяйстволö сетöм не медбöрья места.

Чукöртчöм отирлісь гаж эз вермы дзугны поснит арся зэр, кöда лоö бур пасöн виль пондöтöммез коста, кыдз шуис кинкö öксьöммэзісь. «Россия» нима колхоз лоö сельскохозяйственнöй велöтчан заведеннёэзын студенттэз понда производственнöй практика чулöтöм сьöрті базаöн. Пода понда виль керку лэбöмöн оссьöны уна виль одзланьö дзаррез, мый йылісь казьмöтіс Коми-Пермяцкöй агротехническöй техникумись велöтісь. Виль керку лоö мöссэз понда йöвсялан отделеннёöн. Эта колхоз понда сія сэтшöм медоддза. И право вундыштны гöрд ленточка вöлі сетöм колхозлöн председательлö, подрядчиклö, кöда лэбтіс зданнёсö да районöн юралісьлö.

Йöвасялан отделеннё строитöм – делоыс, конечно, некокнит, но колхозлöн юралісь да сылöн уджалан чукöр сувтöтöм моггесö судзöтісö и керисö этö зэв неумöля.

Мöссез понда, кöдна лöсьöтчöны йöвсялöм кежö, татöн керöмöсь быдöс условиэз сы понда, мед куканнез шогмисö здоровöйезöн. Эта керкуын мöссэз шоччисьöны кватьдас лун. Татöн эмöсь шогмöм куканёккез понда клеткаэз, вердчаннэз да нельки ветеринарнöй врачлöн кабинет. Уджавны сэтшöм условиэзын фермаын подавöдітіссезлö öддьöн бур.

 Мöссэз видзöм сьöрті виль условиеэз ёна оз вачкисьö важ режим вылö.Виль зданнё кокньöтас да бурсьöтас куканнез шогмöмын удж, а сідзкö отсалас  и высьтыны унажык йöв.

Сэтшöм осьтöм керкуэз, конечно, паськöтöны уджлісь ладоррез да тшöктöны овны не дзир талуння лунöн, но и веськыта видзöтны одзлань.

 Сідзкö, куканнез, шогмöмöсь татöн, сетасö бур отсöт сельскöй хозяйстволö не дзир районын, но и быдöс округын.