В объективе Юсьва

«В объективе Юсьва». Под таким названием можно увидеть выставку, открывшуюся в учебном корпусе Юсьвинского филиала Коми-Пермяцкого агротехнического техникума. Автор выставки - Иван Истомин, и как он сам говорит о себе – потомственный фотограф. Фотографией увлекался его дед, и это увлечение передалось Ивану. На фотографиях запечатлены жители села, дома и достопримечательности, явления природы – все то, что можно увидеть вокруг себя.

«В объективе - Юсьва». Сэтшöм нима фотовыставка позьö адззывны быдлö, кин пырас Коми-Пермяцкöй агротехническöй техникумлöн Юсьвинскöй филиаллісь велöтчан керкуö. Сылöн автор – Иван Истомин, морт öддьöн аскоддя, кыдз ачыс шуö – потомственнöй фотограф. Эшö сылöн дед уна кад сетіс фотографиялö, и, натьтö, этасянь этна ассяма кужöммез вуджисö сы дынö.

Эта фотовыставка шогмис зэв басöк да быдладорся: фотографияэз вывсянь видзöтöны посадісь отир, керкуэз, природнöй явленнёэз – быдöс, мый туйö казявны ас гöгöрись. Только ас кужöммез пырйöт фотограф кужис уськöтны ны вылö дзар мöдладорсянь, сысянь, кöда оссьö не быдлö.

Быд фотография пытшкын, мастер кыввез сьöрті, колö адззыны колана дума. Ежели сія керöм думатöг, то ыджыт интерес сыын абу, сэтшöм удж öштö смысл. Медöддьöн Иван Истомин радейтö снимайтны важ кадлöн оланторрез, национальнöй вежалуннэз да обряддэз – быдöс эта йитö сійö ас мукöт да оланвужжезкöт. А медбур геройезöн лоöны пöрись отир, кöдна видзöны ас пытшкын кузь оланлöн вежöр да учöтик челядёккез, кöдна ас тöждöммезöн вачкисьöны сöстöм лист вылö, эшö озö кужö бöбöтчыны да сайласьны. Энö отирсö фотограф шуö оланлöн зеркалоэзöн. Сія лыддьö, мый сэтшöм удж, кыдз фотографлöн, вермас уналö велöтны.

Эта выствака мыччассьö велöтчан заведеннёын не просто сідз. Отирлöн, кöдна организуйтісö сійö, вöлісö эта понда ассяма моггез. Выставка öктö ыджыт интерес кыдз татісь велöтчиссезлöн, сідз и посадын оліссезлöн да гöссезлöн.

Нылöн öтласа удж пондöтчис важын ни, и велöтчан заведеннёлöн юралісь лыддьö, мый Иван Истоминкöт пантасьöм позьö лыддьыны ыджыт шудöн.

Одзланься планнэз фотографлöн кыдз бытьтö и абуöсь. Медшöр могöн сы понда кольччö оланісь быдöс интереснöйыс, кöда пантасьлö быд оськöв вылын.